حلم العمر حلمنا

كل واحد ليه احلامه فى الى حققها وفى الى بيحاول يحققها وفى الى نفسه

الغريب ان كل مرحله ليها احلامها

فى الابتدائى كنت بتحلم تشترى عجله
فى الاعدادى نفسك تروح رحله لوحدك
فى الثانوى عايز تدخل كليه حلوه او تبقى ظابط
فى الكليه نفسك تشرب مخدرات وتنحرف

كل مرحله ليها مفردتها وبنيتها التحتيه الى لازم نتفق عليها من دلوقت ههههههه

يلا بقى كل واحد يدخل يقول احلامه من اول ما بدأ يحلم اساسا

بس ياريت بلاش الاحلام المستحيله زى مثلا تتعرف على بنت ع النت وتطلع حلوه او انك تبقى رئيس الجمهوريه او ابوك يديك العربيه يقولك خد ياحبيبى لف وخمس مع اصحابك كده يعنى

جااااايز تكون احلامنا واحده ؟

وجايز نكون بنحلم ومتأكدين انه هيفضل حلم مش هينزل ارض الواقع ابدا

وعلى فكره فى ناس معندهاش حلم اساسا

الى مش حلم ممكن يدخل ينامله ربع ساعه يخطفلو حلمين ويجى

بالمناسبه بقى
مره واحد نام متأخر لقى الحلم بدأ
مره واحد نام بدرى لقى الاعلانات لسه شغاله

اوعى حد يحدف بحاااااااجه ههههه

المهم كل واحد يحط كل احلامه بقى ونشوووووووف!!

مشكور اخى تحياتى